STORII/RUCCILLO me scurdavo 'o meglio! T'ha fatta 'a 'cografia? .. E ch'e 'sciuto? Dduie gemelle? Uh! Mannaggia 'a capa toja, e comme t'è venuto? E sò tutte e duje mascule? ... E comme 'e miette a nomme? ... Mhm ... Nun me piace proprio ... Siente... Pecché n' 'e chiamme Maurizio e Costanzo accussì po' essere ca gghjesce pe' dinta 'o retequattro! Eh, chille 'e fanno sti ccose? Pecché quanne fujeno nun ce steva chella criatura 'e Ischia 'ncoppe 'o giurnale ca se chiammava Pertini 'e nomme? ... Eh, overo, 'ncoppe a Napoli Oggi ascette ... In prima pagina: La bambina Pertini, due anni tiene ... 'A verità pure è 'nu stràviso comme nomme, che te ne pare? ... Po' rich'io chella è femmena che c'azzecca stu Pertini... Avisseditte Cossiga ferneva cu a, se capeva ... Pertini cu 'o ì pò gghj' bbuono cu' due gemelli? Po' n' 'o saccio, io 'o tenesse pe' malaurio!. .. 'O nomme 'e 'nu viecchio a 'na criatura! Io ce tengo pe' sti ccose... Chille Giuanne è chiù tradizionalista ... Quanne fujene ca io steva incinta a Morgàn ... Isso facette, 'na vota tanta mettimmece 'o nomme d' 'o nonno ... Alfredo, se chiammava ... Io già nunn'è ca vulevo tanto pecché me piaceno 'e nomme 'nu poco strèveze, eleganti, estroversi, qualunque p' 'o fa cuntento steve pure dicenno ca sì... Po' proprio dint' 'a chilli juorne ascette fore pe' dint' 'a televisione 'o fatto 'e Vermicino ... !là 'o criaturo llà dinto ... Dicette vicino a Giuanne, è pazzo ... 'o chiammammo Alfredino, avess'a fa 'a stessa fina? ... E luvajeme mano ... Però Pippo e Maiche mnche me piaceno, mò!. .. Maiche al quanto al quanto ... Ma Pippo!. .. Fosse stata pure 'na femmena, facive Pippo e Katia puteva pur'i' ... No! Ma Pippo è troppo brutto ... Po' e meglio Corrado, scusa ... Pippo nun te vene maje 'ncapa a Pippo Baudo ... Pare chiù 'o nomme 'e 'nu cane ... Io mò invece haggio fatto 'a domanda pe' purtà a Ursula e Pier Paolo ai Piccoli Fans ... Eh! a' cosa 'e Sandra Mila ... No, pecché io haggio penzato: ce sta Pierpaolo ca tene 'e !lente e è 'nu poco curtulillo ... Ursula ca già è altina cu' 'e capille nire luonghe luonghe ... 'e faccio fa' Albano e Romina: (canticchiando) Ci sarà ... Una storia d'amore! Aspetta!. .. Deborah! Va' vide Dieghito pecché chiagne... Ce fosse caduto 'o ciucciotto! Eh! Tene quase n'anno, quant'è bellillo ... Nascette proprio 'o juorne c'arrivava Maradona a Napule! E si 'o vide ce sumiglia! È tale e quale! 'E ricciulille nire ... 'E stesse uocchie belle 'a zennariello ... Sperammo sulamente ca vene 'nu poco chiù aveto, pecché sarrà pure bello stu Maradona, ma 'a verità s'addà ricere: è curto!. .. E pure 'nu poco 'ntufatiello!. .. Qualunque! Stammatina c'haggio miso 'o pigiamino fatto a maglietta d' 'o Napole 'ncuollo, sta troppe 'nzisto!. .. Però chiesto è ll'urdemo! Cu' chisto haggio proprio chiuso! E chic' 'a fa' chiù!. .. Luis Antonio! 'A fernisce 'e sunà 'a radietta 'ncape 'a Marianna!. .. Eh! so' 'e figlie 'e Rosetta: Isaura, Marianna, Luis Antonio e Andrea Celesta ... chella è troppo 'a fissazione che tene p' 'e puntate brasiliane ... Ursula! Dà mò mò Mazzigga e Ciccorobbotte a Morgàn, hè capito? Sì no vengo !loco e v' 'e schiatto a tutt' 'e dduje! ... Io invece t'haggi'a dicere 'a verità nun tengo maje 'o tiempo 'e sta annanza 'a televisione... Chille 'a porteno accussì alluongo, quanne fuje I cento giorni di 34 Andrea ce mettetteno sette puntata p' ' fa' sgravà.. Si era 'na cavalla e pure faceva primma!. .. Ursula tu m'hè capito! E và pazzìa cu' l'Apemaia 'e Dieghito!Pazzìa! Tanto chillemò dorme!. .. Ma quanto è 'nzista e terribile chell'Ursula sà! Stesse 'nu mumento quieta! Va, è meglio ca te lasso! Si no chella chisà qua' uaie me cumbina!. .. Ah! A proposito, ma tu l'he saputo 'o fatto 'e aiere... Ah! Nun saje niente! 'O buco 'o rivo ... Tutte ll'ardarine d' 'a Maronna 'e li' Arco, no... Proprio 'a Maronna stessa... Menava sanghe p' 'o naso!. .. Eh! 'o buco 'o rivo arrevutato! Figurate ca tanto ca ne menava e accussì forte ca 'o sanghe, invece 'e scennere a gghj' 'bascio, menava a ghj' 'ncoppa ... Eh, e chillo è 'o miraculo! È asciuto pure pe' dint' 'o telegiornale d' 'o vintuno!. .. Ursula! Si n'a fernisce 'e 'quità a Marianna t'afferro e te spezzo tutt'e ddoje 'e vracce... 'A mutilatina 'e Don Gnocchi te faccio fà! !... Ah nunn'o ssaje chi è Don Gnocchi? ... È 'o frate 'e paste e fasule e pasta cu' 'a ricotta ... Io po' overo n' 'o saccio chi è 'stu Don Gnocchi... 'o ddiceva sempe mammà 'sta cosa! Che te steve dicenno? ... Ah! Int' 'o telegiornale parlava l'arcivescovo ... Dice Fedeli! Questo è un segno! Mò che sign'è n'o sapimmo! Ma è un segno... Io saccio ca 'o sanghe è bbuono, è salute! Va' trova qua' catacrismo c'avimme scanzatò 'a cuollo e manche 'o sapimmo!. .. Deborah! Mò ca fernesco ovvì! Pe' tutto chelloca me staje facenno passà! Te votto avasce! 'O volo 'e !l'angelo te faccio fa! 'O volo 'e ll'angelo! Me faje dicereddoje parole 'ngrazia 'e ddio sì o no? Ch'è stato, Nunzia? ... Uh! Maronna è caduta Raffaella? ... Va', va' curre, t'aspetto! Ursula hè visto? Pe' via toia è caruta Raffaella! Ma si t'afferro sott'e mmane ovvì! Nunn'iesce viva! T' 'o ggiuro! Nunn'iesce viva!.. No, stevoparlanno cu Ursula!..Sta chiagnenno Raffatllina! Puverella ... Eh, lassa chiagnere ca se sfoga! M' 'a vuo' fa' parlà 'nu poco cu' me? ... Pronto, Raffaellina, perché piangi a zietta tua? Sei caduta da sopra la lavatrice ... Ti sei fatta la bua! E tu dai ttottò alla lavatrice dici è cattiva! Ma chi è stato che ti ha fatto cadere? ... Deborah! Mannaggia chella Maronna ca te campa! ... Raffaellina, senti, dicci una cosa a zietta tua ... L'hai fatto stamattina un bel caccone a zia sì?... E com'era? Grande grande? ... Quant'è brava quella Raffaellina ha fatto pure caccone a zia... Morgàn! Ca vaje avascio d' 'o quinto piano chi 'o sente aroppe a pateto? Senti Raffaellina, ma tu ti ricordi di quella volta che siamo andati ad Edelandia insieme sì? Come non ti ricordi, che mamma cadde e si scorticai tutto il ginocchio! Che noi ci facemmo tutte quelle risate! Ah! Ti ricordi! E passami a mamma un'altra volta su che ci debbo finire di raccontare un fatto!. .. Ciao Raffaellina, ciao!. ..Eh, s'è calmata hè visto? Luis Antonio cu' 'e mmane avvicino 'a currente te piglie na scossa! Ma io che guaio c'haggio passato cu' chesti criature vulesse sapè?... Nunzia t'o giuro meste venenno l'esaurimento nervoso... E tiene mente... 'A fernisce 'e scutulià 'o frigorifero ... Ma cher'è, pure 'a seggia mia se move... Pure a te? ... 'O lampadario! ... Uh! Maronna, 'o terremoto!. .. Ursula! Gian Luca! Deborah! !saura pigliea Dieghuito! Luis Antonio! San Gennaro! Marianna! Pataterno mio! Aiuto! (Fugge via). (1985)
RkJQdWJsaXNoZXIy MTExMDY2NQ==