LATELEFONATA PICCOLA TRAGEDIA MINIMALE Annibale Ruccello MARIA (si avvia cantando verso il telefono) Dopo il sogno delle Auai/ cosa fanno i marinai/ confinati dentro al mare di cemento./ Deve crederci./ Ci sarà/ una storia d'amore/ un mondo migliore/ ci sarà. (formula un numero. Risulta occupato) E figurammece! (ritenta cantando. Occupato) Pacienza, ovvì! (ritenta, libero. Voce affettata) Pronto Raffaella ... sono Maria! Come? ... Ma parlo con famiglia Celoro? ... Ah! Scusate ho sbagliato!. .. Eh! Vabbuò 'nu nummero aggio sbagliato, e che maniera! (riattacca) Mamma d' 'o Carmene e comme stanno! 'E cane, me pareno! Arraggiuse! 'Sti cazze 'e cose po', c' 'o pulsantino! Erano accussì còmmete chille c' 'o bbuco! Mettive 'o rito, ppò ppò ppò e era fatto! (ritenta) Pronto? Famiglia Celoro? ... Chi è Raffaellina? ... Ciao Raffaellina come stai? ... Come non mi riconosci... Chi sono? ... Sono zia Maria ... Ah!. .. Mi avevi conosciuto!. .. E fai bacione per telefono a zia, vai. .. Brava! ... Senti Raffaellina ci sta mammina, sì?... E me lo fai un favorino che me la chiami un momentino che ci devo dire una cosettina? .. . Grazie!. .. E fai ciao ciao alla zia per dentro al telefono sù.. . Ciao ... Ciao ... Ciao!. .. 'nt'è bellella!. .. Uè Nunzia comme staje! ... Eh, m'ha rispuoso Raffaella, quant'è bellella! Duje anne tene e pare già na signurinella!. .. Siente, t'heva a spià 'na cosa importante!. .. M'haggio scurdata ovvì... Ah! No, oiccanno ... No siente, ma tu, 'a pasta e fasule cu 'e cozzeche ... comme 'a faje? ... No e pecché Giuanne me sta levanne 'a capa 'a tre gghjuorne ca ll'ata sera era venuto cu' Pascale addu' te e nun saccio comme s'eva arricriato cu' sta pasta ... Dice c'arigginale s'eva arricreato ... Vulevo vedè comme se faceva ... Mhm!. .. mhm, mhm... E ll'aglio? ... Mhm ... Un poco di peperoncino? ... Nooo, e chillo 'o fforte a Giuanne nun ce piace ... Ah, sì? ... Dduje piatte? ... E che t'haggi'a dicere, chillo a casa caccia' e defiette!. .. Siente ma tutte cose 'nzieme cozzeche e fasule? ... Ah! Mò haggio capito!. .. Vabbuò jà, quann'è dimane vedimmo che n'esce .. E ogge che te mange 'e bello? ... 'E cicere? ... Uh! Maronna mia e comme faje ... A me se 'ntorzano 'a panza, addeventa ·•nu tam-· buro, tosta ... Eh! Arigginale addeventa tosta!. .. No, io ancora aggi'a scennere ... Ma mò telefono a Peppino e me faccio saglì tutto ccà 'ncoppa ... Aspetta che me serve... Una panetta di burro ... Una pelata ... Ma tu te truova bbuono cu' chillo Pomodorì? ... A me nun me dice niente!. .. Eh! 'e but- . teglie... Quann'era viva mammà 'a teneva essa 'a pacienza ... Ma pò m'avev'a mettere sempe a m'appiccecà cu' Giuanne .. A isso 'e streppe nun ce piaceno, 'a vasinicola ce fa schifo ... Eh, j'a vedè quant'è bellillo, me pare 'o principino ... Chello so' state chelli sciardelle d'e ssore e chella sciammeria arrevotata d' 'a mamma, ca c'hanno fatto venì tutte 'e vizie! E appriesso a isso se stanno 'mparanno pure 'e figlie... Aspetta ... Burro ... Pomodori... Me pare ca ll'uoglio è fernuto .. . Nu poco di prociutto per stasera ... Che faje 'a 'nzalata? .. . Ma si' pazza? ... Chella tena 'a radiattiva!. .. Eh nun ce cride a sti ccose? .. Io me metto appaura ... Sto accattanno ancora sulo 'a robba congelata ... Nunn'è pe' me è p' 'e criature ... Chelle so' già troppo belle, ce manca sulamente c'addeventane nane ... Maronna mia nun tengo proprie capa, ogge!. .. No! Ogge niente primmo ... 'O viernarì 'o zumpammo sempe ... No e chillo 'o fatto ca 'o viernarì tengo ccà pure 'e figlie 'e Rosetta, s' 'e vvene a ppiglià all'una e nun tengo proprie 'o tiempo ... Un poco di carne alla pizzaiola, dduie pesiellee tira a campà ... Pienza 'a stammatina manch 'o lietto haggio fatto ... Vulevo j' a truvà 'nul poco a zia Aurora 'o spitale ... Ah! N' 'o ssapive!. .. Uh! Chello ca c'ha fatto passà! Nun se riusceva a capì 'e nisciuna manera che malatia teneva? .. : Chi dice ca teneva 'a colesterolo dint' 'o sanghe... Va a ffà 'e 'nnalese, niente... N'atu miereco, po' ... Heva ditto ca teneva l'ulcera guatemala ... Invece 'ngrazianno a Ddìo, no ... Qualunque pe' nun t' 'a purtà alluongo eva 'a diabbete! Sperammo sulamente ca nun fa 'a fine 'e chella povera nonna Maria ... Trasette sana dint' 'o spitale, po' 'a diabbete aumentava, accumminciava a marcì. .. E mò ce tagliavano 'nu rito ... e mò ce muzzaveno 'nu piezze 'e coscia ... Ce n' 'a purtavemo d' 'ospitale piezze piezze... Ueh! Aspiette nu mumento!. .. Ursula! Te vò sta ferma o no c' 'o telecomando? ... 'O vvide ca Morgàn se sta mettenno a chiagnere.. Fance vedè 'e Puffi!. .. Maronna, e che ce teneno sti fetiente!. .. Certi vvuote, me cride? ... 'E 'cceresse 'mparanza!. .. Accussì comme stanno ovvì!. .. Arapresse 'a chiavina d' 'o gass e ce facesse fa 'a fine 'e gli ebbreis ... A proposeto! Quanne fuje dummeneca passata jetteme 'o cinema cu' Giuvanne ... 'O Santa Lucia ... Jette a vedè Adriano e Celentano ... Steva pure Pozzetto adinto ... Eh! Aspetta comme se chiammava ... Nu m' 'o ricordo 'o film... lo po' appriesso 'e titule nunn'è ca ce vaco tanto appriesso ... Abbasta ca vaco ... Eh! Bello ... Arigginale era bello ... Ce facettemo 'nu cuofeno 'e resate ... No! 'e criature 'e llassavemo a casa cu' 'e ssore 'e Giuanne ... Jèttemo 'o pomeriggio adoppe a Domenica in ... Me purtaje sulamente a Deborah e a Gian Luca ... 'e rresate ... Ursula!!! E mò hè fernuto c' 'o telecomando e aècummience c' 'o compiutèr? Statte sora ca si torna Gian Luca d' ' scola e 'o trova scassato chi 'o sente!. .. Eh! Giuanne a Natale c'ha accattato 'o compiutèr a Gian LUca! Ma a me nun me rice proprio niente chillu coso ... Nunn' 'o priezze chello ca costa! Chillo Giuanne 'o vuleva mettere dint' 'o salotto pe cupparenza, haggio ditto: tu si' scemo, chillo è pure bianco e nero che figura 'e merde facimmo !... Ma chilloGian Luca è troppo classico, arigginale è classico! Quanne fujeno jettemo 'a cummenione 'e Verusca... 'a figlia 'e Carmela ... J' 'a vedè isso ca se 'ncapunette ca vuleva a tutte 'e coste 'o ggins 'e Giorgio e Armani... Ma puozze piglià 'nu piccio e 'nu piccio e 'nu piccio ca tanno se quitaje quanno scennette ccà abbascio e c' 'o 'ccattaje ... Eh! ccà abbascio, proprio a Furcella! Da Bartalo alta moda ... Vintemilalire!. .. Eh, 'o dicette pur'isso ca era stato n'occasione ... 'E zie po' ce regalavano 'na cravatta 'e Valentino, pure n'occasione cinchediecimilalire 'ncoppe 'e machene vicino 'a Ferrovia ... Qualunque me pareva 'nu milurdino ... Eh! Aspetta n'atu ppoco! Addò vaje! Eh, 'o saccio che te cride, te pare ca io nun tengo che fa'? Quanne po' s'aunisceno tutte quante 'nzieme 'e criature nun ce stanno uocchie c'abbastano!. .. Nunn'e pozzo lassà 'e pere manche 'nu mumento! Ueh! A proposeto, mò 33
RkJQdWJsaXNoZXIy MTExMDY2NQ==